政改方案通過，環保組織一樣都唔高興。環保觸覺話，嚟緊2012年嘅立法會選舉將會新增5個區議會功能界別議席，啲選舉候選人寄出嘅宣傳郵件將會增加一倍有多，會嚴重影響地球。
環保觸覺主席譚凱邦引用08年立法會選舉時做嘅調查，當時單係地區直選已經寄咗2,500萬封宣傳郵件，新一屆選舉嘅區議會功能界別，會再寄多3,140萬封宣傳郵件，成個立會選舉嘅宣傳郵件要斬1.6萬棵樹，要求政府要設網上登記系統，畀選民選擇用電郵接收選舉單張，仲話如果可以做到「一戶一封」就最好。
譚凱邦又話，財雄勢大嘅政黨喺宣傳上一向有優勢，改用電子宣傳單張除咗環保，仲可以減低競選開支，鼓勵更多有志之士參選。