王友良同旗下藝人椋名凜反面之後全力搵新血，最近佢又簽咗個日本妹松岡李那，仲安排佢做今屆蘭桂坊啤酒節代言人，取代上屆嘅椋名凜。噚日王友良發咗段松岡嘅新聞稿畀傳媒，話主辦商今年加倍小心確保代言人健康形象，冇任何虛報成份，所以專登檢查過松岡嘅護照。王友良番說話句句有骨，似乎寸緊椋名凜之前虛報年齡。