張栢芝之前帶囝囝謝振軒（Lucas）出席活動，更不排除讓Lucas拍廣告、拍片。但身為栢芝奶奶的狄波拉，昨日暗示不想Lucas入行，只想孫兒安心讀書。她更重提當年為阻止霆鋒入行，移民加國，但拉姑自言作為嫲嫲，沒有話事權，只能無奈配合兒媳決定。
狄波拉、葉童、郭秀雲、嘉玲和許冠文等，昨日在灣仔出席資深傳媒人馮美基的新書活動。張栢芝近期透露想生夠4個，自己復出拍片，更計劃安排兒子謝振軒拍廣告，近日有指狄波拉就Lucas入行事件，狂鬧栢芝一小時，狄波拉昨日大反應說：「我想借呢個機會問吓，點解成日話我鬧人？我冇咁嘅能力話事，佢哋係大人嚟，我只可以配合，佢哋忙時幫佢哋湊仔。」
「做人必經階段」
問拉姑是否贊成Lucas入行，她沒正面回答，但暗示說：「當年我移民加拿大，就係唔想霆鋒入行，嗰個（指孫兒Lucas）唔係我個仔，我唔可以話事，我唔係佢阿媽，我係佢阿嫲。」她更埋怨外界誤解自己專做反對派，表示她只是以嫲嫲立場，希望孫兒平安入學讀書。
拉姑說：「細路仔要讀書，讀書受人尊重，係做人必經階段。如果佢拍廣告，大家咪追囉，返學就唔好喇。當年霆鋒搞到冇書讀，都係因為有成60個記者喺門口等佢，如果再係咁，點會有人收我個孫？總之，入行係玩吓，最好都係返學。」
口罩胖婦當栢芝
此外，栢芝早前接受有線主播區永權訪問，談到兒子Lucas的可愛之處時，她說：「Lucas成日以為爸爸有好多飛機，因為佢啲MV入邊有好多飛機，見到肥同戴口罩嘅人就以為係媽咪。」栢芝表示將自己纖瘦時的照片給Lucas看，他以為相中人是姑姐謝婷婷，她說：「佢見到靚女都會話係姑姐，見到年紀大嘅就話係嫲嫲同UncleKong，戴眼鏡嘅就係爺爺，我都懷疑老爺係用AA膠黐住。」栢芝又謂Quintus改了中文名會跟用「振」字，不過她留給老公霆鋒公佈。
採訪：JessicaNgan
攝影：EdwardChou
