【本報訊】盛傳將加盟康橋當一哥的英文科補習天王范浩揚（K.OTen），昨日記者會上未見其蹤影，康橋只表示正與范商討有關薪酬及合約問題，料可於本月順利加盟。范浩揚則表示仍有多個因素需仔細考慮，「工作時間、合約條款等等，我諗都要等兩個禮拜後個仔出咗世先決定」。
直指薪酬吸引
范浩揚表示先後被兩家龍頭補習社控告違約後，幸得多所小型補習社借出場地，讓他可繼續教導學生，惟康橋要求他必須獨家為康橋服務，令他左右做人難，「佢哋（康橋）薪酬好吸引，我俾人控告毀約，錢係好重要嘅考慮，但係我唔想同其他合作開嘅學校分手，好似自己搵到好路數就撇低恩人咁」。
范浩揚指合約又要求他加盟後，需全力任教日校課程，特別是新加入的HND，估計他需要教近20班學生，「工作量會好大，到時就要減少好多班補習，好多學生唔能夠受惠。我第一個仔兩個禮拜後就出世，所以工時真係一個好重要嘅考量」。不過范浩揚強調，現時與康橋溝通愉快，有信心彼此最終能達成共識。