花旗失業率回落，不過係數字遊戲，大量工作崗位流失，失業率唔升反跌，係因為就業人口減少，格林斯潘話花旗經濟停留喺冇增長階段，對前景睇得好淡。
道指跌穿9800，歐元反彈穿咗阻力位，兌美元會推向1.29，短線資金流向對花旗股市不利，港股技術走勢轉淡，恒指呢個禮拜都會反覆試低位，內銀股集資潮亦會影響港股氣氛，恒指好大機會下試之前嘅低位。
港交所P輪22224：港交所（388）上日報收121.40元，跌0.9%。股價喺現水平好似有啲支持，但大市交投一直偏靜，對港交所好不利，如果成交增加，多數都會係沽壓大咗，港交所反覆下試108元嘅機會唔細，可以諗吓隻P輪22224。
隻輪現價14.5仙，2010年10月4日到期，行使價130元，溢價4.9%，引伸波幅32.6%，有效槓桿率5.5倍，正股跌落108元，22224睇24.5仙，正股升破127元就沽咗隻輪。
俊樺