「嘈老師」因為聲大講嘢直接到唔理人感受，所以俾人一副惡形惡相嘅感覺，上個節目都搞到滿城風雨。事實上嘈老師份人真係幾霸道，恃住自己資深兼唱歌叻就目中無人。
反面永不合作
之前佢同「林柿」一齊開演唱會，話晒林柿都係有份量之人，同佢平起平坐好正常，但嘈老師都唔放佢在眼內，綵排時只以自己為主，改動rundown乜都自把自為，完全唔同林柿商量，林柿為人隨和，但佢老婆「啤梨」都唔係善男信女，兩隻老虎乸相遇，自然拗到面左左，未開騷前，嘈老師同林柿已經冇偈傾，大家快快唱完收檔就永不再合作！Textby 關仁
