魔鬼喇叭vuvuzela喺南非世界盃令人聞風喪膽，本地社運界隨即引入，成為最新抗爭強權武器。香港人網蕭若元早前表示，向內地工廠落order訂製10,000支魔鬼喇叭，喺7.1遊行派發畀市民，等大家吹出怒氣，吹爆民主黨。
不過前日遊行似乎唔多察覺魔鬼喇叭威力，原來喇叭出口時，忽然俾內地海關成批貨扣起，因此7.1遊行冇貨供應。原本打算高舉vuvuzela吹爆民主黨嘅黃毓民，噚日話事有蹺蹊，事關魔鬼喇叭唔係敏感貨物，卻無緣無故被扣起，令人質疑阿爺錫住民主黨，唔想香港人高分貝吹爆民主黨，所以使橫手滅聲，將反鴿聲音消滅於未萌芽狀態。