【本報訊】昨日中暑危殆的小巴司機梁伯已年屆81歲，業內雖然沒有正式統計，但有小巴司機指：「行內有人85、86歲仲做緊，梁伯唔算最老。」與梁伯同一站頭的司機亦指梁伯外形完全不似一名八旬老人，「佢雖然一把年紀，但仍然身體好好，又好勤力，每日都一早開工，仲好少請病假」。
梁伯鄰居則指梁伯與妻子和一子同住，「佢哋兩公婆都好好人，梁伯好勤力，一早返工，下晝返屋企，今日（即昨日）唔見佢返嚟，大家都好擔心佢。」
曾為最賺錢線路
的士小巴權益關注大聯盟主席黎銘洪則指，事發的花園街小巴站來往旺角至愛民邨線，以前出名的賺錢線路，但近年在其他交通工具競爭下，這站頭的生意已大不如前，因此不少司機為了節省開支，都會停車熄匙慳點燃油錢，相信梁伯也是一樣。
他又指出，這站頭一般早更司機都是年紀較大，由於乘客較疏落，工作較清閒；夜更則是較年輕的司機。法例規定70歲以上駕車者必須年年驗身，證明身體狀態良好及反應足夠駕馭車輛，才可獲運輸署簽發駕駛執照，而當職業司機亦沒有年齡限制。