【本報訊】o靚模周秀娜與新舊8模擬於今年書展舉行簽名會遭受封殺，出版商於是拋出「改良方案」，以純文字CopyBook代替寫真集，但貿發局仍以「未達健康形象」為理由，再次踢走周秀娜。周秀娜不滿被歧視，參展書商兼文化評論人也批評貿發局不應以形象入罪。
記者：王麗春 蔡元貴
周秀娜與新舊8模師妹日前公佈，分別推出合共４本純文字CopyBook，取代性感寫真集，企圖向貿發局重新申請在今年書展期間在場中搞簽名會，但貿發局昨日回覆「紅出版」申請被拒。貿發局發言人稱，今年書商共有13本書的簽名會申請被拒，出版商就其中10本書提出上訴，結果只有兩宗得直，原因是該兩宗申請涉及的作者及書本完全更換，改變後的風格符合書展要求。
經理人不忿 周秀娜失落
紅出版負責人的關小姐引述貿發局回覆稱：「噚日致電貿發局項目經理陸小姐查詢最新情況，佢哋將寫真集同CopyBook嘅申請混為一談，佢搬出顧問團嘅答案，仲話呢批人（指周秀娜等o靚模）喺報道上用過o靚模字眼，唔能夠達到健康形象、老少咸宜嘅宗旨，所以申請被拒。」關小姐說，全公司上下為申請上訴花了不少時間和人力物力，但最終卻因不合理的理由被拒，十分遺憾。
周秀娜的經理人Roy表不忿：「拒絕嘅理由幾牽強，有個小姐今日回覆咗出版商，佢哋話係因為涉及作者喺界面上宣傳入咗喺o靚模就唔符合資格；主辦商大可以簡單啲，佢話唔想邊個嚟咪得啦，唔使搞咁多嘢。」
周秀娜獲悉上訴失敗後，表示十分失落，她說：「其實我哋決定出CopyBook只係迎合顧問團嘅需要，早預料有咁嘅結果，唔會太失望，只係有啲失落……原來喺一個行業或界別上，人哋將o靚模呢個名加諸喺你身上，已經存在一種歧視。」
另一名o靚模姜紫藍也於昨日收到貿發局通知上訴失敗。她說，其散文繪本的圖片比例只有兩成，而且並無不雅，與一些可以舉辦簽名會的歌手如傅穎等的作品一樣，相信是因為其「o靚模」身份而被禁。
「唔應該以形象入罪」
參展商兼文化評論人彭志銘質疑貿發局先有了決定，然後藉顧問團做擋箭牌，又質疑研究上訴的人與原判的人是否同一批人。
彭志銘說：「一個社會唔應該以形象入罪，今日你覺得周秀娜形象有問題而禁佢，聽日你都可以話司徒華形象有問題而封殺。」