一個好動賣樣、一個好靜賣聲，但因同是黎天王旗下愛將，難怪外界經常把文詠珊（JaniceMan）及衞蘭（Janice）這對「雙J」比較。單從外表來看，雙J共通之處就是束有一把長髮，模特兒出身的JM固然接受經常變「髮」，衞蘭私底下愛髮型越平凡簡單越好，但站在台上時則可接受百變造型，兩人御用髮型師Billy及Sev指雙J的可塑性無限大無限遠，難分高下。 撰文：PearlMak
Billy：JM宜深啡髮色
JM由普通少女成為今日星模，HairCulture首席髮型創作總監Billy認為髮色對升呢有直接影響，他說JM適合深啡等色，千萬不要太紅太金，隨時降grade出事。甫出道JM已是長髮示人，Billy表示她得天獨厚，雖然經常又吹又染，但髮質依然保養得宜，另外她天生髮量多，有利她塑造不同造型，Billy力讚：「佢個樣係名副其實嘅cameraface，因為佢左右兩邊係完全對稱，即使360度咁去睇都冇問題，咁嘅比例係好少有，所以JM嘅可塑性係好高。」JM是模特兒出身，加上只得21歲，故始終喜歡及接受髮型多變，Billy認為JM面尖面細，基本適合任何髮型，但她還是不捨得剪去一把長髮。至於如何保養長及腰的秀髮？Billy說：「好多人以為長髮就唔需要剪咁密，其實我提議最好4至6星期修剪一下，兩日要洗一次頭，一星期要焗一次油，但千祈唔好用有矽膠嘅焗油，對頭髮有損害。」
Sev：衞蘭接受玩嘢
甫從衞蘭出道便由黎明的御用髮型師Sev為她打理髮型，衞蘭的頭髮偏多而粗，Sev表示：「如果唔係要出騷或者做演唱會，其實衞蘭係鍾意好簡單就咁一把長髮乜都唔好搞，或者紮起馬尾就算。至於平時set乜嘢頭，衞蘭都好少畀意見，佢好信任我，同埋平時整頭時佢都好靜，只會聽歌冇嘢講。」
雖然衞蘭偏愛長直髮look，但她亦可接受刺激玩嘢造型，其中Sev最喜愛的是唱片內巨型鬈假髮以及07年首次演唱會開場的紙鶴頭，他說：「啲紙鶴全部由我handmade，足足摺咗過百隻，後來蠟像館叫我再整多次，我都拒絕唔摺喇。」Sev表示十分期待10月為衞蘭個唱再大玩髮術製造驚喜。
衞蘭服裝：VivienneWestwood、EQ.IQ、C"N"C、CHHHU
JaniceMan服裝：D&G
攝影：CK@Secretnine
化妝：江中平
形象統籌：TangLai