溫布頓網球公開賽男單決賽席位將於周五誕生，4強的焦點為「英國紳士」梅禮大戰「1哥」西班牙的拿度。英國網球迷期待梅禮可晉級決賽，向打破英國網壇的74年「大滿貫魔咒」邁進一步，而梅禮亦似乎勝券在握：「我已經想好對付他的方法了！」（now671台今日7:00pm直播）
衞冕的瑞士球手費達拿爆冷8強止步，令拿度及梅禮成為奪冠大熱，分別為2.25倍及3.2倍。矢志奪得生涯首面大滿貫錦標的梅禮，顯然懶理費達拿出局，集中精神備戰拿度。他說：「我將與世界『1哥』拿度對戰，再理會費達拿出局實在太儍吧！」
「要持續發球強勁」
梅禮生涯曾與拿度交手10次，拿度取得7勝3負優勢（見附表），但連續兩年殺入溫網4強的梅禮今屆賽事表現勇猛，晉級之路僅失掉一盤；加上梅禮在對上兩次的大滿貫賽事與拿度對戰均能獲勝，分別為08年美網4強及今年澳網8強，故此梅禮亦可算為拿度的「大滿貫剋星」。
梅禮亦指出發球的表現，將為再度擊敗拿度的勝負關鍵。他說：「與拿度對戰時，必須要持續發球強勁，以保住自己的發球局；如果發球欠佳的話，將會令拿度有機可乘，迫使你在場內左右跑動追球，故此發球為勝負關鍵！」
拿度亦在賽前下戰書，表明自己將會加強進攻，迫使梅禮犯錯。他說：「我將在4強戰打得更為進取及侵略性，梅禮與蘇達寧的打法完全不相同，若我打出巔峯狀態，將可贏得比賽！」
重炮貝迪治戰「扮嘢祖」
備受冷落的另一場男單4強戲碼為08年澳網冠軍塞爾維亞的「扮嘢祖」迪祖高域，激鬥爆冷擊敗費達拿的捷克「重炮」貝迪治。
貝迪治在今年法網亦曾打入4強，法網的經驗令他顯得充滿信心，成為繼1987年的蘭度（IvanLendl）後，23年以來首位打入溫網決賽的捷克球手。他說：「法網的經驗令我獲益良多，我很期待與迪祖高域一戰！」綜合英國外電
《花絮》
舒娃唔得閒拍拖
俄羅斯美女舒拉寶娃雖然喺女單16強出局，之不過充滿鬥心嘅佢已經收拾心情，準備迎接美網。佢日前喺個人官網公佈咗嚟緊嘅賽期真係密麻麻，先喺今個月20日嘅WTT（WorldTeamTennis）聯賽，之後就會參戰史丹福網賽、辛辛那堤網賽及蒙特利爾網賽。雖然佢嚟緊呢個月大部份時間都留喺美國，但係賽期排到咁密，邊有時間同NBA男友禾積斯拍拖呀？
費天王輸波賴有傷
16奪大滿貫冠軍嘅費達拿爆冷喺男單8強出局之後，搞到一班球迷鬼咁失望，各國傳媒都以「王朝終結」嚟做總結，仲話如果費達拿喺8月底嘅美網唔能夠強勢回勇奪冠嘅話，佢嘅世界排名或會跌出前5名；之不過費天王睇嚟唔係太擔心，話今次輸波係因為自己有傷。之但係傷患個個球員都有，呢個唔多似係原因喎！
「長命戰」裝備捐博物館
今年溫網男單首圈創下網壇史上「長命戰」主角之一嘅法國馬亨（圖），周三接受美聯社訪問時話，家每逢行出街，人人見到佢都會同佢握手。仲勁嘅係馬亨同伊斯拿激鬥3日、超過11粒鐘嘅球拍、球衣，全部畀國際網球名人堂睇中，雙方都會捐畀美國羅丹島嘅博物館，周六會舉行交接儀式，認真巴閉！
