窩輪搏擊:中電信單日轉向 買C輪揀22842 - 俊樺

窩輪搏擊:中電信單日轉向 買C輪揀22842 - 俊樺

花旗股市禮拜二急挫之後,禮拜三並冇起色,道指再跌近百點收市,不過道指、納指同標普500指數喺周線圖都跌到支持位,暫時喺呢個位會有爭持。
港股假期前走勢幾差,再跌119點,收報20128,但係算係守得住20100,今朝會唔會再插過,就要睇噚晚花旗股市同今朝A股點走,但市場氣氛已轉淡,反彈空間唔會太大。
中電信C輪22842:中電信(728)上日報收3.76元,升1.6%。股價喺5月份出現雙底,之後反覆升至4元水平再現調整,上日跌至50日線以單日轉向回升,短線可上試4元,破位睇4.30元,可以諗吓隻C輪22842。
隻輪現價44.5仙,2011年6月30日到期,行使價4.28元,溢價25.7%,引伸波幅43.7%,有效槓桿率3.9倍,正股升上4.30元,22842睇73.6仙,正股跌穿3.56元就沽咗隻輪。
俊樺