針對發展商經常用巧取豪奪手法賣樓，欺騙市民大眾，政府大鑼大鼓，炮製咗「9招12式」賣樓新例，要求發展商跟從，規規矩矩咁賣樓，務求做到公平、公正兼資訊透明度高，維護消費者權益。
新例下，信置大角嘴嘅帝峯．皇殿就成白老鼠，示範新例下賣樓運作。全城住呢個盤有冇犯例，由於個盤先到先得，雖然每個單位銀碼都唔細，大部份都成千萬，買得起還買得起，但同樣要排隊，買家想買心水單位，就要有咁早得咁早，鬥快到售樓處現場排隊，發展商又要求買家須親身排隊，搞到有市民天未光就到場等候，華華就見到唔少準買家「打喊霧」同「釣魚」。不過，比起以前買家閒閒哋要等十幾粒鐘，都算有進步嘞。