今年書展還未開鑼，一班o靚模已鬥生鬥死，當中最具人氣的浸大咪神楊梓瑤（Carol）和百果園E神陳靜，昨日聯同上圍達40G的堪輿家麥玲玲齊於鴨脷洲錄影無綫新節目《千奇百趣summerfun》。麥玲玲處女濕身力戰兩個Ecup女神，陳靜豪晒W形巨胸，Carol更突然剝衫僅以比堅尼上陣展示其34E暴乳，搶盡風頭。
由森美及小儀主持的無綫節目《千奇百趣香港地》早前播出收視報捷，無綫隨即添食第二輯《千奇百趣summerfun》，首集定於本月19日播出。該節目昨日找來人氣o靚模浸大咪神楊梓瑤和百果園E神陳靜擔任水戰嘉賓，趁炎夏向觀眾大派冰淇淋。
司徒瑞祈勁冧密密斟
近日陳靜和Carol隔空罵戰，今次兩人首度同場，卻互不相讓堅拒同組。節目昨於鴨脷洲一中學的泳池錄影時，二人果然前後腳現身，Carol與司徒瑞祈（阿水）、楊愛瑾（Miki）、少年食神Michael、董敏莉及黃華雄一起拍攝。隨後錄影的陳靜則夥擁40G巨胸的玄壇G奶麥玲玲、「一蚊Joe」游茛維、王君馨及王浩信拍攝。
昨日Carol一隊率先錄影，她穿比堅尼泳衣打底，外穿T恤及短褲，坐在橡皮艇上等埋位時，與她同組的阿水明顯勁冧，二人吱吱噚密斟，未幾Carol剝衫，34E重形導彈盡現人前，效果十分誇張，體重逾200磅的少年食神Michael中段做人肉炸彈，令Carol反艇濕身，森美更兩度將她推落水。
隨後到穿背心的陳靜上陣，她玩水戰時雖然W胸現形，但風頭遠不及Carol。至於麥玲玲則着連身裙行下水禮迎戰雙E神，處女下海玩到一身濕，森美還笑她：「師傅，你今日濕晒喎。」一蚊Joe則穿上印有向她示愛的T恤四圍行。
玲玲拒穿沙灘裝嚇人
節目中麥玲玲為王君馨睇掌，森美卻講爛gag：「睇事業線唔係睇呢一條o架。」麥玲玲又批陳靜：「你掌紋爛晒，尤其係感情線，感情會多波折。」事後麥玲玲在電話中說：「陳靜兩條事業線都好強，佢對手『鞋』啲，但將來星途順暢。」
麥玲玲又謂監製曾建議她穿沙灘裝出鏡：「我話唔好啦啩，留番畀啲妹妹仔啦，我唔想着沙灘裝嚇親人。」她又揚言毋懼風頭輸o靚模：「佢哋係青春可人，個個靚。」
採訪：何慧斯
攝影：黃文成
花絮：Miki風頭被搶面燶
昨日楊愛瑾（Miki圖）和董敏莉（Monie）也有份錄影水戰節目，但雙M不約而同拒穿泳衣包到冚，自然被兩位Ecup性感女神打敗，難怪雙M不時靜坐池邊，鏡頭以外總是面口微燶。
花絮：前亞姐變水着小花
無綫昨日錄影節目，同場突然出現前亞姐曾敏（圖左）着三點式贈興。曾敏去年被判偷竊罪成並遭亞視終止合約，近日她轉會無綫做花瓶，但她昨日也博盡出擊，毫不錫身落水喪玩。
