回顧我過去兩個月分享過嘅減肥方法，絕大部份都係從飲食入手，今次都唔例外，但唔係叫大家按照哪個餐單減肥，而係靠零食！係，你無睇錯，係「零食」。我成日諗，減肥係一個漫長工程，有咩方法可以輕鬆減磅？於是我又喺網上左搵右搵，結果搵到一款用醋浸泡洋葱嘅減肥零食。眾所周知，白醋可以幫助燃燒體內積聚嘅多餘脂肪，而洋葱含豐富食物纖維物質，能夠促進腸道運動。
Menu
材料：
洋葱1個（約200克）、蜜糖約25毫升、適量白醋（可用蘋果醋代替）、天然粗鹽少許
方法：
1.將洋葱去皮，放進凍水浸一會，瀝乾水份備用
2.將醋及鹽放入煲內，開小火加熱至攝氏36度後熄火
3.加入蜜糖，將之攪拌至溶解，最後放入洋葱
4.待冷卻後倒進玻璃容器中並封好，放雪櫃冷藏一星期後食用
一大樽醋泡洋葱整好後，可以每日早晚各食一次，每次份量約60克，至於食幾耐可以減到幾多的問題，老實講，呢款零食雖然可幫助瘦身，但若真係想效果顯著，都係要下定決心做運動，苗條身形指日可待！
AngelaFatty：天生葫蘆身形，體重最高峯達200磅，曾以不同減肥法減去90磅，累積唔少減肥心得。