家o靚模出道流行十個八個咁企出嚟，一味大堆頭。老實講，講得出全名的可能得兩三個。要出位，緋聞無疑是捷徑。已算是「上一代」o靚模的A.Lin和DaDa，最近同樣受情傷緋聞見報，花邊新聞過眼雲煙，要在娛圈站得住腳還得靠自己，書展臨開波前博到盡瞓身演繹JFT澀谷109系比堅尼，為事業，一於豁了出去！
記者：葉雪芯
攝影：林栢鈞
澀谷109o架味比堅尼
A.Lin和DaDa今年拍住上合體名為「SugarBeez」出寫真，唔靠人多勢眾，孖公仔玩「蕾絲邊」（即Lesbian）濕身誘惑，噱頭十足，最近仲惹來不少是是非非，兩姊妹飽受情傷。做過儍豬豬，點都會學精，既然男人靠不住，在為前途，也是錢途下，還是瞓身一搏，換上出名少布的JFT澀谷109系Bikini再上路。「着Bikini是為自己開心，着得出來，係自信的表現。而揀泳衣都會特別選擇心花放的圖案，好似碎花、Ruffles花邊，睇見都心情開朗。想堅強啲，就會揀動物紋圖案，感覺剛強硬朗，又帶點性感。」
除了着Bikini，兩姊妹原來仲有另外一些特別的沙灘裝配搭：「有時着Bikini唔一定會落水，可能係行吓沙灘咁。我哋身材比較似日本女仔，唔算好高大，又唔算有肉勁爆，所以鍾意襯輕薄的碎花裙、草帽、背心，多些不同的變化。」
買水着送別注沙灘巾
想好似A.Lin和DaDa咁學日模着卡娃兒水着，少不了睇睇澀谷系基地JFT。今夏首次引入了澀谷109系人氣日牌DURAS和DazzliN'的Bikini套裝。DURAS在日本的JFT長期高踞熱賣榜，以往就以潮味OL上班服出晒名，今期一反常態玩性感出比堅尼，設計大玩碎花圖案、BlingBling珠片、黑撞白AnimalPrint、Ruffles花邊等可愛元素，青春無敵，最近做緊超抵優惠，凡買任何一套DURAS泳裝，免費送日本限量別注版的DURAS沙灘巾一條，據知在日本賣緊原價千幾蚊！至於另一澀谷系招牌貨DazzliN'，在日本少女界備受追捧，除了碎花，還有民族風味圖案、Dot柄等，值得一提的是部份Bikini有鋼圈設計，承托力不俗，最適合身材「有料」的女仔！
波希米亞沙灘女郎
要配襯沙灘裝，不妨考慮Bikini外襯開胸碎花裙，性感凉爽。澀谷牌子之中首選Titty&Co.，款式比較Feminine，今夏推出的用料以雪紡、Lace為主，十分飄逸清凉Girly；至於另一個焦點，就是新晉的ChiMerapark，睇開《ViVi》或日本時裝雜誌都應該不會對這牌子陌生，由人氣設計師伊勢田佳代主理，今夏走波希米亞風，同樣是大玩碎花、Ruffles等，用來配搭Bikini，可以襯出ResortStyle。
JFT（21589524）
銅鑼灣波斯富街108-120號地下至2樓