花旗最新嘅個人收入同開支數據反映國民傾向多儲蓄，即係對前景仲未恢復信心。花旗股市連續第2日窄幅上落，對噚日期指結算嘅港股冇乜大影響，本來以為可以靜靜地等放假，點知內地股市好似倒水咁，滬綜300指數大跌4.5%，搞到港股越跌越多，恒指收市唔見咗近500點，短線支持位喺20100，守唔守得住好快就會知。
紫金C輪23127：紫金礦業（2899）收5.80元，跌0.8%，算硬淨，金價前景睇好，紫金升破6.20元，睇7元，可以諗吓隻C輪23127。隻輪現價14.4仙，2012年5月30日到期，行使價6.40元，溢價35.2%，引伸波幅54.4%，有效槓桿率2.4倍，正股升上7元，23127睇22.3仙，正股跌穿5.20元就沽咗隻輪。
俊樺