33歲的南非世盃主題曲主唱歌星Shakira，周一專程到倫敦為世界「1哥」拿度打氣，不禁令人回想起今年初二人在Shakira的單曲《Gypsy》MTV內性感兼癡纏的演繹（ http://www.youtube.com/watch?v=FCE-QdWd1qQ&feature=related），二人的緋聞又再度成為溫網的話題。
兩人齊拍火辣MTV
穿着白色透視tee的哥倫比亞歌星Shakira，大方在球場上對拿度的表現又拍手又叫喊，完全不介意記者拍攝，球迷要求簽名也照樣答允。
另一方面，拿度亦不負眾望，周一以3:0輕取法國的馬菲爾晉身8強，下圈將與瑞典的蘇達寧一較高下；不過周一賽前，賽會就他上一場比賽疑向在場的叔父詢問有關戰術的意見一事，向拿度罰款約16,000港元。
文：莎莉
《花絮》
fans國旗當衫撐梅禮
英格蘭喺世盃決賽周出局後，全英國國民都將希望放晒喺梅禮身上，少女們不惜將國旗當衫（圖），着喺身上，幸好這位23歲球星未負眾望，暫時喺溫網未失過一盤，昂然晉身周三的8強賽。
大威出局集中谷新書
「大威」威廉絲真喺百足咁多爪，又為自己設計波衫，搞自己衣服及飾物品牌，家仲出埋書，佢本書《COMETOWIN》會喺下月面世，內容係將喺球場上學到嘅智慧應用喺各行業上，硬皮裝202蚊一本，有興趣讀者可以喺網上訂購，佢周二輸波後，可以集中精神喺新書宣傳上了。
曉域治老婆打扮搶鏡
澳洲球星曉域治個靚靚老婆BecCatwright（圖），周一打扮到行一行到球場球老公打氣，黑超、低胸衫，十分搶鏡，只可惜老公唔生性，不幸在16強輸俾「扮嘢祖」迪祖高域。
