【本報訊】經歷車禍，一度成為新聞人物，應屆高考生陳曉晴沒有活在傷痛之中，反而勇敢面對。準備升讀大學的她，選了與旅遊及傳媒相關的學科，包括酒店管理及新聞學系。無論今天放榜成績如何，曉晴說：「盡咗力就無悔。」
在伊利沙伯中學讀中七的陳曉晴，06年春節與父母及弟弟跟隨旅行團到埃及旅遊，不幸遇上車禍，痛失三名至親，只有她一個生還。今天放榜了，曉晴昨日說還未識緊張：「好似會考咁，通常我都係前一晚臨瞓同埋朝早返到學校先緊張，所以唔需要有人特別安慰我。」
盡了力 已無悔
曉晴已報讀中文大學的酒店管理：「因為本身我比較鍾意旅遊，同埋我鍾意管理方面嘅嘢，自己喺學校入面擔任領袖角色，能夠達到呢科嘅條件。」次選是中大新聞學，不過她擔心取錄機會較微：「因為我面試表現比較好，但係呢科唔需要面試，只睇成績，我成績唔係特別標青。」