「出艙一刻見到有其他太空艙跌咗落嚟，又有太空艙撞埋一齊，好多人頭破血流倒地呻吟，血肉橫飛，真係慘不忍睹！」昨日東部華僑城奪命意外，在深圳打工的26歲姓林民工憶述，當時置身其中一個太空艙，事故中他同行兩女友人一死一傷。他說想不到原本刺激的機動太空艙，竟變成死亡遊戲。
聞到濃烈焦臭味
姓林民工說，其中一名慘死女子是28歲姓劉友人，另一名24歲姓趙女友則頭部重傷，留醫做手術。林昨晚在醫院憶述這次死亡旅程猶有餘悸，直言十分好運。他說事發時：「與同行兩男兩女友人，排隊排了20分鐘至有得玩。」他形容當時由職員安排，跟另兩名男友人及另一男子登進一個太空艙，因而逃過一劫，兩女友人則與其他遊人坐進另一太空艙。
他說：「當時玩咗約三分鐘，個太空艙就慢慢上升離地，跟住就聽到陣陣刺耳嘅格肋，格肋聲，又聞到濃烈焦臭味。」他形容：「啲聲音好似螺絲或組件甩脫咁。」他說那時還以為是特別音響效果，未有理會，其後他在太空艙內逐漸感到呼吸困難，透不過氣，之後太空艙徐徐降下，他以為太空之旅就此完結。稍後，太空艙門打開，職員急叫「出來，出來」；他說爬出來一刻被眼前傷亡枕藉情景嚇倒，那一刻感到自己死裏逃生，有多好運。
本報記者