明天7.1遊行主題之一係最低工資，因此廿蚊張肯定係主角之一。幾位男拔校友聯同網民Jacky將一張20元紙幣「廿蚊張」，改成襟章「10蚊章」，明天遊行限量供應。
呢款襟章外形參考10元硬幣，Jacky話構思時，覺得廿蚊張係無良僱主表表者，人格唔值廿蚊咁多，最多只值10蚊，因此將襟章設計成10元硬幣。「10蚊章」限量生產800個，7.1當日會喺維園及菲林明道、軒尼詩道交界嘅街站推出，捐廿蚊可獲贈一個，扣除成本後部份會撥歸尖沙嘴天星碼頭巴士站保育運動之用。
除「10蚊章」外，亦有人預備咗吹爆民主黨嘅小喇叭同諷刺白鴿黨嘅T恤，大家聽日遊行，記得帶多個錢掃貨。