中環在線:新地教代理點樣sell南灣 - 李華華

中環在線:新地教代理點樣sell南灣 - 李華華

事非多多嘅鴨脷洲新盤南灣,未開賣就新聞多多!雖然話開唔到盤,係因為政府使出「9招12式」真功夫,踢各發展商嘅賣樓武館,但一班地產代理就唔聽話,立亂修改南灣嘅圖則,同埋明目張膽咁預先收票,激嬲咗偉大嘅特區政府,終於俾官府惡搞一次,遲遲唔批個盤嘅賣樓紙。
咁磨近兩個月,政府終批賣樓紙,為免班代理又亂嚟,未啟動前,新地(016)實行為代理開班再培訓,仲拍埋Video,用處境劇方式,教仔咁教佢哋點樣sell南灣,好似向海嘅玻璃窗係開唔到,單位唔係用中央冷氣,前面船廠係咪搬走等,短片裏面都教晒路,叮囑代理咪再失實陳述……總之要「河蟹」搵銀,講完!
李華華