楊千嬅10月開演唱會，近期老公丁子高在微博上不斷為老婆催谷宣傳。曾做歌手的丁子高，有傳恨在紅館唱歌，要求在老婆演唱會，借夫妻合唱一圓心願。丁子高昨日回應無意上台，但留一手謂若太太要求，則作別論。他又否認收取出鏡酬勞，只是如常做公關工作。
丁子高、汪圓圓和Angelababy等，昨日在尖沙嘴出席「海港城STYLEModelHunt模特兒大賽」記者會，公佈15位入圍名單，爭取成為熊黛林師妹。
澄清從沒額外收錢
有傳曾是組合VRF成員的丁子高恨再做歌手，要求在老婆楊千嬅10月的演唱會上合唱一曲，一嘗在紅館唱歌的滋味，丁子高昨日謂：「我唔會有咁無謂嘅要求，我家嘅公關工作令我好有成功感，冇諗過要再做歌手，除非係製作單位覺得有一part有我會好啲，或者我老婆想我唱，我先會做。」
對於有傳出騷酬勞是千嬅的十分一，丁子高指自己從未接過公司以外的工作，也沒額外收錢，他說：「咁我都唔介意其他人以高價邀請我同千嬅出席活動，但暫時未有囉。」
究竟10月個唱準備請哪位嘉賓？昨晚楊千嬅在紅館出席紀念回歸演唱會時說：「其實演唱會點做未正式開會傾，本雜誌就幫我決定埋點做，其實佢哋嘅提議都唔錯，等我返去同公司反映吓！不過我相信叫我老公晚晚嚟做嘉賓，佢都唔會肯啦！」
千嬅：老公係咪霸
談到丁子高要求在演唱會與千嬅合唱韓文歌，千嬅笑說：「唔會啩，可能會有合唱，其實我老公係咪霸，喺卡拉OK長期霸住支咪，佢仲教番我入key㖭。」問到婚禮會否叫老公開金口唱歌，她笑謂：「可能佢全家上台唱呢。」至於指她花3萬元抽脂神奇瘦腳，千嬅立即說：「係都拉長對腳同隆胸先啦。」
採訪：RubyWoo
攝影：MatthewLam