廉署近年做過好幾宗有關懲教人員帶違禁品入監獄嘅畸士，最近一單係一名署理高級懲教主任將一支內有陳冠希淫照同機密文件嘅USB記憶棒帶入赤柱監獄，被判社會服務令80小時。有懲教署員方代表同八方講，正向管方爭取放寬部份違禁品嘅限制。
員方代表話，家理論上懲教人員返工只可帶身份證、手錶、200蚊現金、太陽眼鏡等三數樣私人物品進入監獄，其他嘢一律唔可以帶，否則就當係帶違禁品，等同犯法，定咗罪多數革職，後果嚴重。佢哋希望管方放寬部份限制，例如近視眼鏡，家可以帶都係酌情處理，仲有女職員係咪可以帶些少護膚品例如防曬液入監獄，希望管方考慮吓。