越來越多女仔愛Macaron，最近有新開張「時裝店」賣這法式甜品，你沒看錯我沒寫錯，皆因手袋品牌「CheCheNewYork」在K11開設新分店，賣袋兼賣首創Chocaron，女仔又多一個Shopping藉口了。
記者：趙志雄
攝影：陳盛臣
Model：Renee@StarzPeople
首創Chocaron＝朱古力×Macaron
K11早有「PaulLafayet」駐場，所賣的法式甜品Macaron早有一批死硬派Fans，如今「CheCheNewYork」同樣賣Macaron，又如何討一眾少女歡心？答案是賣餅同時陳列自家品牌手袋，少女原本入店看手袋，卻被色彩斑斕的Macaron吸引，忍不住試吃才走。
「CheCheNewYork」這品牌十年前在美國開創，至今在亞洲和香港都有分店，老闆娘有三姐妹，以獨家設計的動物圖案和人手釘製珠片手袋著名，今次踩入餅界，三姐妹找來大家姐夫Ko做設計，二姐說：「姐夫從事家具設計，到家姐屋企吃飯，Ko下廚前會先給你一份餐牌，他可是個稱職的業餘廚師。」Ko首創Chocaron，即朱古力和Macaron的Crossover，Ko把Macaron上半層的餅換成朱古力薄片，中間醬料不再是單調的果醬，換上甘橘、熱情果、榛子、無花果等15種味道，Ko說：「中間醬料的味道由最頂的圖案識別，包括豹紋、波點、星星等，Chocaron餅身用杏仁粉、蛋白和糖做成，攪拌後由人手擠出若干大小後焗製。」難怪餅身個個大小不一，橫豎粒粒同價，揀大塊一點較抵。
Wasabi朱古力鮮味
Chocaron上面的朱古力用上瑞士Felchlin朱古力，Ko：「瑞士朱古力比法國、比利時的更滑，濃度53%，入口有香濃可可味。」甜餅有廿多種味道選擇，我最愛Wasabi味，入口，芥辣味由舌頭直衝鼻腔，紫菜、豬肉鬆、話梅、焦糖咖啡、海鹽、甜薑和椰子奶青檸等味道亦盞鬼。此店還有排裝和粒裝朱古力供應，如買排裝，包裝招紙上還有獨家設計的動物和CheCheGirl圖案，女仔一定喜歡。無論是Macaron或Chocaron，味道較甜未必多男Fans，卻適合送給女友，一來價錢比其他名店朱古力便宜；二來不用費心包裝，自然是追女仔理想甜點。
1.Chocaron甜餅，玫瑰圖案是榛子味，間條圖案是綠茶味，波點圖案是熱情果味，每粒$16。
2.Chocaron甜餅，間條圖案是草莓味，豹紋圖案是朱古力味，圈圈圖案是藍莓味，每粒$16。
3.Macaron甜餅，每粒$14，6粒裝$98，9粒裝$140，推介特濃咖啡味，甜中有咖啡甘。
4+5.朱古力排$35/45g，$68/100g，包裝招紙有動物和CheCheGirl圖案。左起紫菜味、芝麻味和豬肉鬆味，推介紫菜味，朱古力裏面是脆身紫菜，口感特別。
6.朱古力粒，（左）方形一粒是芥辣味，（前）半圓形一粒是海鹽味，粉紅色的海鹽少少鹹，沒蓋過朱古力甜味，每粒$14。
CheCheNewYork（27308826）
地址：尖沙嘴河內道18號K11商場G14號舖