吳奇隆同內地女星馬雅舒上年8月離婚後，馬雅舒噚日喺家鄉昆明嘅翠湖賓館再舉行婚禮，嫁畀喺飛機上一見鍾情、有10億身家嘅外籍男友羅伯特，好友杜德偉都有嚟觀禮。睇見新娘笑得咁開心，新郎竟然激動到喊㖭，咁蹺噚日都係新郎生日，一對新人交換完結婚戒指後，新娘仲送錶畀新郎做生日禮物。