窩輪博擊:中海油強勢 炒22164 - 俊樺

窩輪博擊:中海油強勢 炒22164 - 俊樺

外圍股市冇乜啟示,20國集團峯會冇驚喜,港股噚日都係得個悶字,現貨成交得450億,指數全日波幅好窄,期指結算前大戶都係玩吓轉倉就算。
今日期指結算,一般情況晏晝個市會有較明確嘅啟示,不過後日係假期,可能好多人都會繼續觀望,暫時只宜細細注炒賣。
中海油C輪22164:中海油(883)報收13.84元,升2.5%。股價喺10日線回升,靜市中成交都有增加,有機會突破14.20元向15.40元推進,可以諗吓隻C輪22164。
隻輪現價11.6仙,2010年12月1日到期,行使價14.20元,溢價11%,引伸波幅38.6%,有效槓桿率5.9倍,正股升上15.40元,22164睇20.9仙,正股跌穿13.30元就沽咗隻輪。
俊樺