台灣歌手張韶涵8月會喺台北再開演唱會「潘朵拉星球」，今次造型大玩華麗奇幻，聽講出場嗰套掛滿水晶嘅金屬流蘇，連電子機關重20公斤，差唔多等如佢39公斤體重嘅一半，真係令人擔心。另外，張韶涵最近幫意大利品牌Moschino示範新裝，佢話：「我試裝後穿到背痛，不過為了美，不怕辛苦。」又自爆話平時都好敢着衫：「在潘朵拉星球可以穿得很誇張，在地球的裝扮也要有創意才好玩。」