86歲嘅葉準早排喺上海電影節傳媒大獎獲最佳男配角，佢噚日拎埋個獎座，同拍《葉問前傳》徒孫杜宇航、陳嘉桓喺megabox出席晚宴威威，葉準精神充沛咁話：「4日收咗300幾萬，好滿意，多謝廣大詠春迷同葉問迷嘅支持。」佢之前話拍戲辛苦，講明拍完就收山，雖然票房滿意，一拍就有獎，但葉準都堅持唔會再拍，一片夠數。杜宇航就話9月同陳嘉桓再結片緣，拍動作片。