世界盃踏入淘汰賽階段，球員經交換意見後，開始適應這個球速極快的世盃足球，入球質素開始提高，而前晚阿根廷對墨西哥便有兩個靚波。其中泰維斯為阿根廷射成3:0的金球，開始時有點意外，因為他原意是傳球給隊友，但皮球彈中墨西哥守衞，再反彈向他的右邊，由於皮球流出的角度相當順腳，而他亦順勢追前用右腳腳內檔扯個波，有看開英超的球迷應知道他慣常以腳內檔射波有相當的保證。
結果這記射門確實相當漂亮，球速夠、高度適中，墨西哥門將飛盡仍差約兩個手位始摸到皮球。其實查維亞靴南迪斯為墨西哥破蛋那球亦很「正」，最靚是他控球好，在禁區轉埋身射，因球速快，加上是網頂位罝，所以同樣冇得救。
文：曾偉忠
香港隊教練
電郵：mailto:[email protected]