Angelababy（楊穎）在關島取景的告別寫真《Paradise》，受o靚模禁令影響，改在海港城舉行簽名會。她昨日由日本趕回港宣傳，心痛心血被列為低俗，表示要送簽名寫真給書展顧問團，以證清白。
下月推出告別寫真的Angelababy，昨日在尖沙嘴b+ab出席宣傳記者會，吸引半百fans等候。她一身露肩短裙亮相，額上長滿小粒粒。Baby昨早才由日本返港，並透露四天只共睡了10小時。
o靚模被禁入書展開簽名會，Baby已改為下月24日在海港城自行搞簽名會，她說：「好無奈！啲評審都唔明我寫真內容，我要簽一本送番畀佢哋，證明我嗰本唔係低俗嘅圖書，唔係不雅嘅書刊。」她謂不擔心移師商場簽名會影響銷量。
叫黃曉明自掏腰包
問Baby可會送幾本給「海綿蛋糕」黃曉明？她說：「希望佢可以買啦。」她再否認外傳黃曉明開公司簽她過檔，並向經理人Kim派定心丸說：「一定唔會，Kim好似我媽咪，工作上生活上都好照顧我，一定唔會分開。」舊愛陳偉霆被指向fans爆粗，Baby說：「以我識嘅佢，唔會咁做，有人陷害佢或者係誤會。」
Baby的寫真正式命名為《Paradise》，但主打的寫真相依然保密，封面照則和去年相近，採用戴上皇冠的大頭照。今年會在中港台及日本推出寫真，印數比去年的3萬本更多，Baby除在各地舉行簽名會，更會在代言的日本Lumine商場舉行相展。
據台灣消息，黃曉明搶先一步欣賞Baby的寫真隨行片段，二人合作拍MV時，Baby已先將片段給他看，他當場驚為天人，更得意地跟朋友炫耀女友「好正」！
此外，熊黛林（Lynn）被指捲入重慶希爾頓涉黃案，經理人Kim力斥說：「都唔知乜事，都冇乜印象去過重慶，有都係一大班人去一大班人走，冇可能。」
問Kim可有收過要求Lynn作不道德交易的電話？Kim斷言說：「冇可能，冇接觸過，我哋呢方面好小心。」
採訪：JessicaNgan、PearlLai
攝影：ChanChiLam