黎明（Leon）昨晚出席公益金周年大會，工作繁忙的他未有時間捧世界盃場，卻希望20年後可以見港隊出戰世界盃。有網友指新寵JW聲線似足衞蘭，Leon力撐新寵自有獨當一面之處。
黎明昨日傍晚到灣仔會展出席「公益金第41屆周年大會」，同場還有何猷龍及夏佳理等。雖然近日世界盃正進行得如火如荼，但Leon表示因工作繁忙，未有時間捧場，他笑言因為當日和林建岳一同合搞唱片公司，故為了向岳少交代，現在即使推戲及放棄世界盃，都要專注搞好唱片公司業務，問Leon捧哪一隊世盃隊伍？他笑說：「我捧港隊喎，估計過多20年後有機會喺世界盃見到港隊出現。」
極力維護JW
有傳唱片公司新寵JW即將舉行的音樂會上，Leon將出任司儀，他未有正面回應：「原先諗住一個星期至10日去飛，但係點知三日就賣晒，家決定加開一場。」
有網友指JW的聲線和衞蘭很相似，Leon出動金句維護愛將說：「咁貢米似唔似栢芝？藝人係要啲時間，你會唔會有個女仔把聲似你老婆，你就同佢傾多啲偈？大家照做審死官，要挑剔就挑剔。」
慨嘆冇新聞
另外有報道言之鑿鑿指因Leon不肯和老婆樂基兒（Gaile）生BB，結果搞到Gaile發脾氣鬧分手，Leon沒好氣說：「觀眾未必想知藝人生BB嘅過程，只係對出世後嘅BB有興趣，反而係編輯想知，家電影咁悶，雜誌都咁悶，大家不如update其他新聞。」
採訪、攝影：馬建華