亞姐姚佳雯噚日喺將軍澳宣傳亞視播緊嘅外購劇《李小龍傳奇》，「星光一班」嘅亢帥克、蔡梓銘同李明憲等就表演唱歌。姚佳雯為「我係李小龍」模仿大賽做評判，但當中有唔少參賽者都幾騎呢，搞到姚佳雯都忍唔住笑，佢話揀男友唔一定識功夫，佢鍾意家個圈外男友嗰種運動型，佢又話同男友感情好穩定，不過要專注做嘢，結婚要隨緣喎。