送萬五蚊　陸上郵輪Buffet

暑氣逼人，未到暑假，各大酒店已搶閘推出暑假食宿計劃。今日《蘋果日報》送你萬五元地中海陸上郵輪假期套票，免費過兩日一夜食宿之旅，食自助餐提早來個夏水禮！

記者：趙志雄
攝影：黃子偉
Model：Lo@PureModels，Elaine@StarzPeople

升級房間嘆按摩池

「陸上郵輪假期」套票去年反應良好，「富豪機場酒店」今年決定再度推出豪華艙（每位$888）、至尊艙（每位$999）及浪漫艙（每位$1,358）三款套票，為配合主題，由餐廳裝潢到員工服飾都模仿船艙。購買豪華艙或至尊艙套票者，每位加$299可做一次OMSpa45分鐘水療按摩。而凡惠顧套票，可參加抽獎贏取公主郵輪雙人7天墨西哥海岸豪華郵輪之旅、美國洛杉磯經濟客位機票等。
想免費玩番晚？機會來了，今日酒店送出8套郵輪假期豪華艙套票（兩位用），每套$1,776，免加一服務費，總值$15,628，讓你不用分毫享受食宿假期。每張套票包雙人高級客房住宿一晚、藝廊咖啡室自助早餐、晚餐、消夜、貓頭鷹小食及陸上郵輪精采節目。得獎者如想把高級客房升級為附設水力按摩池的Cabana客房，每間房要多付$400，並要在訂房時說明。

■連餐廳門口都裝飾得似船艙。

■Cabana客房比高級客房更有情調，設有水力按摩池。

試勻地中海菜

抵達酒店放下行李，你可選擇參加水上健身舞、瑜伽、泰拳健體、地中海舞蹈、品酒教室等節目，精力太旺盛者，健身中心及游泳池就適合你。玩夠了是時候醫肚，走入「藝廊咖啡室」，自助晚餐主打地中海菜，大廚搜集歐洲多國菜式，以海鮮為主，推介海鮮串燒，海鮮先用小茴大茴等香料醃過，煎完再焗，再伴龍蝦汁提鮮，番茄甜椒焗海蝦、黑椒金槍魚配菠蘿伴沙沙醬、燒鴨胸配蜜糖薰衣草汁等亦值一試。除地中海菜，壽司刺身、雪糕沙律、中西式肉食等例牌菜照常供應，保證飽肚。