花旗股市上禮拜走勢偏弱，雖然上日道指只跌8點收市，日線圖現十字星靠穩，但係相信只係半年結效應，花旗股市頂埋呢兩日，下月初有機再試9800至10000關。
港股中期走勢轉穩，但係冇足夠條件向上衝，花旗股市如果回試支持位，會影響港股嘅買賣氣氛。G20會議各國分歧大，唔會有大成果，唔好有大期望。
太AC輪18298：太古A（019）上日報收90.6元，升1.28%。股價近日升破多條平均線，成交對辦，短線睇93至98元，揸耐啲有機見105元，可以諗吓隻C輪18298，隻輪現價13仙，2010年10月25日到期，行使價80元，溢價2.55%，引伸波幅36.02%，有效槓桿5.18倍，正股見105元，18298睇25.2仙，正股跌穿87元就沽咗隻輪。
俊樺