終極普選聯盟支持政改方案，聯盟內不少民間團體一直反對，更引發其他非聯盟泛民友好組織強烈不滿，令普選聯與部份民間團體關係緊張。有普選聯成員認為，政改方案通過後兩者關係跌至最低點，必須設法修補，但由於目前仍是「風頭火勢」，相信要待時間過去才能逐步改善關係。
「團結先有力量爭取」
有普選聯成員透露，他們在政改方案後曾私下評估形勢，大家不約而同承認，代表主流泛民的普選聯，與部份泛民民間團體關係十分惡劣，「佢哋對我哋同民主黨投政改贊成票好憤怒，覺得我哋出賣民主，雖然我哋係咁睇，但佢哋情願否決都唔要通過，呢個分歧冇辦法解決。」
部份普選聯成員則認為，他們現時與那些強烈反政改方案的民間團體關係已去到最低點，「大家關係好差，但另一個角度睇，家已經係最差時候，唔會再差落去。」所以普選聯成員認為，未來需要想辦法修補雙方關係，但不是在目前「風頭火勢」時間開始，因對方仍然強烈不滿主流泛民做法，「關係一定要修補，但未必係家，佢哋仲係好不滿我哋（普選聯），同佢哋對話只會火上加油」。
他說隨着時間過去，加上他們發現普選聯其實沒有放棄真普選，相信雙方未來可再合作，「只要目標一致，日後冇乜嘢係唔可以化解，因為團結先有力量同特區政府爭取」。
本報記者