MINI玩潮意　線上獨賣SOHO

思想較保守嘅汽車界中，最前衞嘅非MINI莫屬，新搞作夠薑玩網上賣車，你話係Gimmick多於實際，我就覺得有創意贏點數外，又等班大忙人無藉口落唔到舖頭買車。EverywhereisShowroom嘅概念，由限量10架於香港網上獨家發售嘅MINISOHO帶起。

記者：許維雅
攝影：譚盈傑
Model：Cupid@HeatzModel

MINISpot潮點夠fun

被譽為潮人Icon嘅MINI，即使車種變化有限，亦努力搞新意為品牌打造至潮形象。最近趁港島區Showroom搬遷，乘勢推出四種全新賣車嘅方法，以MINIOnlineStore、MINISpot、MINIInteractionCentre及MINIMobileAgent達至全天候任何時間、地點都可以買車，呢個創新潮流嘅新概念係繼新西蘭之後全球第二個地點推行。MINI車款選擇唔多，香港人嘅工作時間又特別長，網上買車的確幾啱香港。當中以MINISpot帶來最大驚喜，附設兩部大電腦揀車嘅休閒區設計有型創新，唔買車都可以喺個電腦屏幕左篤右拉睇相，科技感滿Fun。

■一眾高層同嘉賓吳佩慈主持MINISpot開幕儀式。

買車四式
1.OnlineStore

喺屋企隨時上網都可以買車，雖然啲車只限已到港現貨，但勝在唔使落舖就可以慢慢揀，更有Facebook連結等你Post上網同朋友討論。買車步驟亦好簡單，揀完車填完資料，以安全度有保證嘅PayPal落$5,000訂，架車即刻幫你留起，再有Agent幫你跟進。

網址： http://minihk.com

■網頁會清楚顯示唔同類別MINI嘅存貨。

■除Facebook連結外，更可同時登記埋Trade車手續。

2.Spot

呢個非一般Showroom雖然較以前細，但設計概念夠新鮮，恍如Cafe嘅休閒區有兩部輕觸式屏幕電腦，特設介面等你自行砌部心水MINI先訂車。唔買車都歡迎去享用飲品及雜誌，用電腦睇吓MINI最新相片及影片，鼓吹Lifestyle形象。朝九後晚九前，約老友喺銅鑼灣等嘅話，呢度係唔錯嘅Hea點。

地點：銅鑼灣希慎道裕景商業中心地下D舖