徐淑敏與黃浩去年奉子成婚後，今年3月產下女兒Vianna，昨晚兩夫婦在W酒店花費約60萬元筵開17席，為女兒擺豪華百日宴，好友鈴木仁與沈卓盈都有到賀。昨晚黃浩表示如果可以，希望和太太再追多三個小孩子。
現年25歲的徐淑敏，去年嫁給飲食界才俊黃浩後，一心相夫教子，對娛樂圈發展已不是太熱衷，今年3月她生下女兒後，一直處於休息狀態，昨晚她盛裝與老公為女兒在W酒店擺百日宴，在宴會廳門外，擺放了一張小B女Vianna的裸照，十分可愛。多位圈中好友抱括沈卓盈、馬賽、寇鴻萍與丈夫及陳嘉容等也有到賀。
為囡囡呷老公醋
昨晚來賓都會收到一瓶紅酒，酒瓶的招紙經過特別製作，是用了他們一家三口的生活照。黃浩昨晚抱着女兒高興地說：「個女中文名叫心瑤，英文名係Vianna，囡囡今日着緊條裙就係契媽沈卓盈送嘅，呢幾日囡囡收到好多禮物，其實佢大得好快，買啲衫褲好快又唔啱身，所以我都唔敢買咁多畀個女着，家佢有成14磅、高62cm，一切好健康，如果可以出年最好再追個兔仔。」
黃浩又爆老婆呷女兒醋，他笑說：「以前我返到屋企第一時間錫個女，然後再錫老婆，但老婆呷醋，咁我調轉啦！但有一次錫老婆嗰陣，對眼都係望住個女，搞到老婆好唔開心，其實我兩個都錫嘅。」問他早前向記者吐口水後被帶返警署調查，他說：「暫時冇收到任何起訴我嘅通知，經過咁多事，家我都收晒火啦。」
收身唔夠100磅
身穿低胸裙的徐淑敏，昨晚約7時許亮相，她說：「家我體重都唔夠100磅，瘦番好多啦！」問到黃浩是否想今年再生個兒子？她笑說：「咁最快都要年底啦，我本身都好鍾意小朋友，所以最好喺30歲前生夠四個仔女，咁我就可以收工啦。」對於老公指她呷女兒醋，徐淑敏直說：「老公的確要搵個平衡，應該係兩個都錫先啱嘅。」
採訪：王崇穎
攝影：黃偉雄
