經過政改一役，民主黨與中央突破長期冰封關係，雖然引來泛民分裂的負面影響，但政界及官場中人認為當中也有積極一面，令香港政治版圖出現變化，不同政治立場的政黨將重新組合。有親北京人士指出，今次北京與民主黨溝通，很大可能是想將香港政治力量由以往「兩大塊」、改為「兩大塊、一小塊」的格局。
親京人士指，以往中央把香港政治團體分為「兩大塊」，「泛民包括支聯會，係唔接觸、唔認同、唔接受；另一塊係愛國愛港陣營，全力支持扶助，全力起用，係治港力量一部份」。
料中央打壓一小塊
然而，由於主流民意一直傾向支持泛民主派，「兩大塊」策略令香港管治長期失衡，「有民意支持嘅泛民就長期被打壓，民意基礎低嘅建制派就長期被重用，市民有乜理由唔反感」。有中央智囊遂建議採用「兩大塊、一小塊」的新格局，「一大塊係愛國愛港陣營，仍然係全力支持；另一大塊係中間派，可以溝通、接觸，甚至接受佢哋部份建議，但仍然唔會當你係自己人，家民主黨就係呢一類；最後一小塊是公民黨、社民連一類完全不接受嘅反對派」，這種新格局對未來香港政局產生何種影響，正是各派關注的發展。
本報記者