廉署最近請來英國內政部兩位嚴重及有組織罪案調查局專家，交流經驗。調查局五年前成立，阿頭PaulEvans曾在香港馬艦皇家海軍服役，來頭好勁。
阿Paul主張對付有組織犯罪要用「積極干預」手段，例如該局舉行防止罪案研討會，會後要出席者打手指模，確認明白條例，若去過研討會嘅人日後犯法，檢控官會將指模交法庭參考，事關知法犯法，罪加一等。
另一招係先發制人，阿Paul話根據情報，會向可能協助罪犯嘅公司發「溫馨提示」，表明調查局好關心佢哋嘅動向，提醒呢啲公司唔好心存僥倖。阿Paul話，呢種靠嚇手法好有效。不過廉政專員湯顯明都講，香港唔係英國，反貪唔係反恐，呢種咁「進取」嘅手法，香港人唔like。