窮則變、變則通，當以為走向死胡同之際，只要稍為跳出框框，又可以係另一片天空，日本就係咁由被視為12年以來最差嘅一支國家隊，搖身一變成為有機會突破02年世盃16強的最佳成績。
不少網友話，岡田武史決賽周前夕嘅熱身賽，特登要球員「揸流攤」，等國家隊喺毫無期望下唔會有壓力比賽，結果決賽周就一鳴驚人，但我相信岡田應該冇咁高，但佢成功在識得還原基本步，踢回亞洲球隊最有條件同強隊一較高下嘅前場搶迫踢法，一於用體能同速度行先。當然，決定用阿部勇樹、松井大輔踢中場，又將本田圭佑改打控球前鋒，都係岡田變出嚟，你可能會話佢冇選擇先至咁行，但都要肯變至得，好似意、法兩帥咁變咗等於冇變就死得！
至於南韓有冇機會入8強，同樣好講體能，先失波唔出奇，但信佢哋有能力追得到。文：戰鬥員A
今日貼士
星期六8烏拉圭[主/和]
信心指數：★★★
註：5★最高