樂基兒小時候的心願其實不是「我要做model」，她喜歡的是畫畫、砌puzzle、憑心思靈感左砌右砌一幅幅不同色彩不同mood的圖畫、照片。現在她同時退後一步擔任creative-styling的工作，多得做模特兒及學畫累積回來的經驗，一張照片應具備的概念、顏色、燈光、模特兒表情動作，她都有把握以想像力加身教create出一個有情感的故事出來。
撰文:梁錦貞
樂基兒14歲開始在三藩市被發掘做model，一做10多年，快將踏入30歲的她，與所有紅模一樣，模特兒這份工都是主動來找她，並非她自己叩門，「我好清楚模特兒唔同醫生、律師，係唔可以做到老嘅，我本來計劃做到25歲，快快趣賺一嚿錢，跟住就做自己鍾意做嘅嘢，例如揀自己鍾意嘅科目去讀、做吓生意咁。」
港版叻模
正是似乎所有模特兒都早己洞悉這不會是一輩子的事，外國叻模例子有LilyColé入讀劍橋、GemmaWard入讀耶魯，07年樂基兒在香港藝術中心報讀FineArt課程，一讀3年，她說：「畫畫不嬲係我嘅嗜好，我報讀呢個course最初都係為興趣，但係唔會諗到，畫畫提升咗我嘅coloursense、構圖能力，同埋借一個creativework帶出概念同古仔內容，到之後有唔同單位appoach我做一啲design或者creative-styling嘅job，讀書時所學嘅，原來有好大幫助。」
樂基兒續說：「以前老師會叫我哋畫一幅有meaning嘅畫、或者望住一幅畫好耐睇吓佢有乜嘢meaning，我都覺得好難，家就明白到做creativework就係要照顧控制到所有嘢、有故事帶出，一張相嘅燈光、模特兒頭髮化妝着嘅衫同表情動作，要靠成條team嘅想像力傾吓撞吓先出到嚟，我唔希望拎住張相做reference改少少就算，有想像力好緊要。」
學做導演
累積多年做模特兒的經驗，也令樂基兒樂於「身教」，她說：「望住一個女仔，好自然諗到邊類型嘅形象係啱佢，同埋好清楚邊啲只係限於想像、實際就算work到效果都唔好，例如模特兒着太高嘅高跟鞋、或者着太短嘅裙，因為有咗顧慮障礙，根本唔可以發揮得最好。」What'snext?「我想試吓學做導演，同埋學精啲cooking，因為呢兩樣嘢都係可以做到老嘅，到老嗰陣開間餐廳囉。」
重塑JM衞蘭
自小熱愛畫畫，實際學習中學曉憑想像力作出構圖，以及作為模特兒面對鏡頭的經驗，天賦加身教，樂基兒幾輯「面世」的creative-stylingjob都來得有板有眼，由她、JaniceMan（JM）加衞蘭構成的雜誌封面，樂基兒對重塑兩人的心得意見是:「JM個樣可以好sweet，但可以好international，佢carryless同more嘅衫都得，空間好大。」衞蘭在照片上更是叫人眼前一亮一時認不出來，「香港啲藝人都好似有一個certain嘅形象模式，尤其係太多makeup太多「多嘢」嘅服裝配搭會蓋過晒佢哋本身嘅特質，衞蘭呢輯相好簡單啫，就係冇黐眼睫毛之嘛，backtosimple仲standout，出嚟嘅效果已經好fresh。」
