政改方案投票終於落幕，好記性嘅高登巴打近日醒起「港人明燈」車公虎年新正頭支靈籤早已預視今日嘅結局，唔到你唔信咁話。
大年初二發叔喺車公廟幫香港求得53籤中籤：「睽別家園歲月多，不知家內若如何；昨宵一夢真端的，今日人傳信不訛。」解曰：「先難後易，凡事可許。」有巴打話，前兩句係講白鴿黨離開祖國多年，但發夢都掛住阿爺，後面兩句就係話白鴿黨夢見阿爺吉祥，結果夢想成真。
至於先難後易，梗係話政改一開始傾唔掂，後來有人讓步，結果掂咗。
巴打話「昨宵一夢真端的」呢句特別到肉，因為之前仲傳緊白鴿黨會被大陸招安，點知最後就「今日人傳信不訛」。