阿爾及利亞前鋒沙爾菲（圖），0:1不敵美國後行過採訪區，竟然唔聲唔聲打咗35歲女記者阿絲瑪一巴掌，激到呢位同胞即時還拖；點知佢仲唔停手，攞起飲品樽再掟過去，要隊友㩒住先肯離開，認真激動。以為沙爾菲輸波發狂，周圍搵人發洩，原來冰封三呎，非一日之寒。兩個人一年前已經有牙齒印，話說沙爾菲唔滿意阿絲瑪上年亂寫佢嘅法籍老婆，一直懷恨在心。類似事件之前都有發生過，沙爾菲今次仲恐嚇對方返到祖國要小心啲，女記者梗係報警及向國際足協求助。