唱作歌手任賢齊（小齊）作過不少歌曲，在他身邊出現的人和事，都成為他的創作靈感，小齊因為與性感火辣的MaggieQ合作而寫了《美麗的壞女人》，顧名思義小齊覺得MaggieQ美麗但有點壞，容易令男人感情越軌，當然好男人小齊把持得住，還寫了首《珍惜》送給老婆Tina。
任賢齊最近推出新歌+精選碟《創作集—音樂旅行者》，碟內大部份的歌，都由他作曲填詞，提醒大家他是一個創作歌手，他希望透過新專輯與歌迷分享他的音樂旅程。
怕為Maggie變壞
小齊的創作靈感都是從生活而來，其中拍戲就為他增添不少作品。他可以在跟誰合作時，靈感一到就將拍檔作為歌曲的題材，試過因為和張衞健拍戲，作了首歌欠個名，就用了張衞健的姓作歌名。小齊創作的俏皮作品《美麗的壞女人》，靈感女神是MaggieQ，小齊說：「嗰時同Maggie喺台灣合作拍廣告，第一眼見到佢真係覺得佢好sexy，女人不壞男人不愛，有啲女人係可以令男人變壞，甘心為佢冒險，好危險，我覺得Maggie就係呢種女人。」問小齊當時有否為Maggie變壞？他笑說：「我又冇諗到要變壞喎。」
小齊作過無數首歌，問他有沒有作過歌送給老婆Tina？小齊坦言：「要諗吓，呢隻碟都有一隻叫《珍惜》，不過其實我寫歌，唔係一定話呢首歌係寫畀邊個邊個，最緊要令聽嘅人有共鳴，如果話寫咗隻歌係送畀我老婆，咁個個聽咗都覺得係我老婆，咁我咪好唔得閒，有好多個老婆囉。」
作《珍惜》冧老婆
碟中附送由小齊設計的結他pick，還有結他譜，小齊謂：「呢個係我主意，家連iPhone都可以彈到歌，大家都好電子化，希望回到簡單點，大家可以攞起個結他，有快樂好玩嘅氣氛，彈吓我嘅歌。」
採訪：胡比 攝影：黃文
