多謝迪科爾，英格蘭終於殺入十六強！酒吧老闆亦鬆一口氣，港人至愛的英軍出不到線，酒吧生意必定下降。餘下賽事都在10:00pm和2:30am開波，淨飲酒、吃不飽，如何支撐到4:30am？花生蝦條青豆？食Nuts怎飽肚？還是找個任飲任食BBQ場實際，自己燒烤美食，繼續幫英軍打氣！
記者：趙志雄
攝影：陳盛臣
Model：Jessica@StarzPeople，Vivian，Bonnie，Nick
鳴謝球衣提供：NIKE、adidas
露天燒烤英軍躉主場
前晚英格蘭斯洛文尼亞的生死戰，寶勒巷一帶酒吧多人到插針不入，論熱鬧，「M&WBar」夠人聲鼎沸，皆因全場可容納二百人，經理Ronald：「我這個場最多英格蘭、阿根廷和荷蘭Fans，客人好飲得，每人至少飲半打啤酒。」今屆世盃頻爆大冷，尤其看英格蘭，每場分組賽都如坐過山車般心驚膽跳，大廳有四個100吋投射螢幕直播賽事，幾十人一起大叫大喊，這才夠氣氛。
這間酒吧頗受附近上班族歡迎，人數多記得訂位，我敢講句，世界盃期間Walkin一定無位，只要湊夠15人就可任食任飲BBQ，包你看10:00pm和2:30am兩場賽事，飲品無限飲，食物則供應到約1:00am。食物方面，每人有海鮮一份包中蝦、蜆、魚和花蛤，肉類和蔬菜任吃，除大路肉腸、扒、雞翼外，雞牛羊串燒是長期人氣之選。沒專人代燒，客人要自己到露台的明火燒烤爐動手，調味料、蜜糖齊備，建議開場前15分鐘要預先燒好，免得看波時分身不暇。除BBQ，酒吧亦有招牌小食和泰式美食，逐碟另計。
收費食物
任飲任食BBQ收費：
每人$350（星期一至日）
M&WBar（31150121）
尖沙嘴寶勒巷3號萬事昌廣場5樓
180度尖嘴景寬敞無碳場
「VoilàPartyhouse」可說是佐敦最寬敞舒服的室內BBQ場，近一千呎大廳可容納百人，開業未夠一年，講環境裝修絕對媲美尖沙嘴大場。大廳有一個100吋大螢幕和五部電視機直播賽事，坐哪裏睇波都舒舒服服。任飲任食BBQ，人數多寡最好與酒吧事先擬定，理論上一個人也可以BBQ，食物供應限三小時，紅白酒和啤酒任飲不限時，總之就任你飲到球賽完場，飲到打烊至走。
這間酒吧用電燒烤爐BBQ，自助食物有肉類、蔬菜、沙律和雪糕，牛仔骨、雞翼和金沙骨味道不俗，每人有一份海鮮拼盤包魷魚、虎蝦、長腳蟹、翡翠螺、青口和銀鱈魚，份量足很飽肚。值得一讚是場地抽風好，不會弄得一身油煙味。靠邊一幅大玻璃，望出去是180度鬧市夜景，可俯瞰彌敦道至尖沙嘴海傍。另外，酒吧亦有招牌小食如串燒、椒鹽雞軟骨等，逐碟另計。
收費食物
任飲任食BBQ收費：
每人$298（星期一至四）
每人$350（星期五六日）
VoilàPartyhouse（27362188）
佐敦彌敦道219號莊士倫敦廣場13樓
睇世界盃飲世界杯
如閣下不是食肉獸，不愛任飲任食，那「星月廊」推出的小吃如英格蘭炸魚薯條、德國招牌燒鹹豬手、意大利扁闊麪、巴西燒春雞、阿根廷扒芝士薄餅、美國煙燒排骨等等，總有一款合你心水。至於飲品，有三款世界杯主題雞尾酒，分別是用香蕉甜酒和橙皮酒調製而成的「世界杯」；其次是用蜜桃甜酒、愛爾蘭忌廉威士忌和石榴糖水混成的「神射手」；最後是易入口、用雪碧溝黑加侖子酒和椰子冧酒的「黃金入球」。飲啤酒？惠顧4杯嘉士伯生啤，可參加大抽獎，贏取紀念品，包括英格蘭Polo恤，晚上最低消費每位$105。
星月廊（23134245）
尖東麼地道72號香港日航酒店15樓
「大吃」勁飽肚
去到十六強，既要照顧波牛老友，又要陪女友，頭痛呀！不如去朗豪坊睇完戲、逛完街再蒲酒吧，位於十三樓的「TheSkyBar」有100吋的投射大螢幕，有五十多個座位，一向受球迷捧場。這裏有齊美式桌球、足球機、鏢靶等硬件，世界盃期間會直播其中16場賽事，酒類選擇比一般港式酒吧多，意大利四季薄餅、日式酥炸鮮蠔、德國烤雜肉腸等佐酒小吃大大碟，堪稱「大吃」一定飽肚，我最愛香煎半生熟黑椒吞拿魚伴芝麻汁，入口魚味濃郁，吃飽飽繼續追捧愛隊吧。
TheSkyBar（35144448）
旺角朗豪坊13樓1號舖