【本報訊】行政長官選舉辦法決議案通過一刻，支持及反對政改方案的巿民反應迥異。遮打花園撐政改集會一方，群眾掌聲如雷，高呼「任務已完成一半」。皇后像廣場反政改方案一方，vuvuzela吹爆立法會（圖），高叫「民主已死」。
「要畀民主黨聽到憤怒」
當特首選舉方法議案下午2時半獲得通過時，立法會外皇后像廣場的反政改集會，群情洶湧。群眾紛紛吹響vuvuzela喝倒采，台上主持則大叫「吹爆佢」，「我哋要畀民主黨聽到我哋嘅憤怒」。大會主持又帶頭高叫口號：「民主黨已死，民主已死。」
集會主持發言時不滿民主黨綑綁式接受特首選舉方案：「點解佢哋要綑綁？好明顯係政治交易，究竟佢哋同政府喺密室傾咗啲乜嘢？我哋要求佢哋交代清楚。」台上張超雄也質疑，今次方案比05年提出的方案更倒退，不明白為甚麼民主黨會支持。
另一邊廂，正在看表演支持政改陣營從主持口中得知議案獲通過，在主持人指揮下舉高雙手，展示V字勝利手勢，聽到主持說「已完成一半任務」，群眾發出如雷掌聲。其後立法會議員劉江華到支持政改陣營站台，高呼「我哋已經贏咗一半喇，我哋要贏埋下一半好唔好？為我哋嘅子子孫孫好唔好？」原本攤在椅上休息的太太們即時站直身子，一邊大叫「好」，一邊舉起手中的紙扇。