花旗股市前晚先跌後反彈，不過收市指數變化唔大，道指微升4點。聯儲局唔加息已經預咗，只係會後聲明冇上次咁樂觀就唔多唔少影響投資情緒。
港股噚日冇乜方向，恒指收市跌123點，但全日波幅窄，成交又細，暫時都冇乜啟示，期指結算同半年結就到，睇嚟個市仲有機會造好啲。
招行C輪21728：招商銀行（3968）噚日報收19.28元，跌0.7%。股價喺禮拜一出現突破後轉為整固，後市睇上試22元，可以諗吓隻C輪21728。
隻輪現價20.3仙，2010年12月30日到期，行使價20元，溢價14.3%，引伸波幅41.6%，有效槓桿率4.9倍，正股升上22元，21728睇36.7仙，正股跌穿18.40元就沽咗隻輪。
俊樺