薛家燕細女石耀珠早年去咗美國讀書，話咁快學成歸來，日前家燕姐同大女石祐珊同埋囝囝石耀庭專程飛去美國出席耀珠嘅畢業典禮，見證耀珠戴上四方帽嘅重要時刻。家燕姐眼見細女完成大學課程，心情梗係激動，佢話：「特別係見到佢上台領取證書時，嗰一刻真係悲喜交集。」結果家燕姐忍唔住喊咗出嚟，佢話因為有一種如釋重負嘅感覺，完成做媽咪嘅責任喎！