曾志偉噚日喺九龍城出席活動，今年書展唔畀o靚模搞活動，志偉話：「前兩年開始越做越大，可能怕佢哋宣傳手法，唔知會出邊科驚太激，所以拒諸門外。但咁樣都係宣傳手法嘅一種，或者書展係文學性重啲，寫真會引埋其他人嚟，都啱嘅。」至於天氣女郎黃婉曼玩《獎門人》呻又攰又想喊，志偉話：「錫住佢啦！都唔使佢玩壓波，因為佢係新聞女王有形象，可能佢開心到喊。」